2009年10月7日 星期三

新高鐵「貫通南北方案」: 更快 ‧ 更平 ‧ 更好

特區政府推動廣深港高速鐵路香港段的建設,面對社會各方越來越多的質疑:例如成本過高,每公里造價是全世界最貴的英法跨海隧道鐵路的2.3倍;當初估算的395億元更可能大輻颷升,達630億元之鉅;西九龍總站工程龐大,相當於一個旺角港鐵站的三十倍,延誤風險大增;再加上西九總站接駁不便,對西九和油尖區路面交通擠塞的負面影響,以至由菜園村引發的收地矛盾等等。政府亦一直未能就整個項目提供令人信服的成本效益分析,致使立法會在今年9月中通過動議,要求政府重新檢討整項工程建議。

由公共專業聯盟協調的「新高鐵專家組」 (下稱「專家組」) 經過詳細研究,為協助政府打破困局,建議採納一個「貫通南北方案」,達致「更快、更平、更好」的目標。由於新方案的工程簡單,施工時間大為縮短,只要政府下定決心,全部工程可以在預定的2015年落成。

「貫通南北方案」涵蓋兩段工程:
*「北段工程」:由邊境以隧道方式建設廣深港高速鐵路的香港段專用線,至現時西鐵線錦上路站旁;
*「南段工程」:由機場快線青衣站興建一條延伸線直至錦上路 (稱為「港島快綫」) ,使錦上路成為一個包含了現時西鐵線錦上路站、高鐵總站和港島快綫終點站的三合一車站(稱為「香港交匯站」) 。

「北段工程」和「南段工程」可以同步施工,完成後旅客乘高鐵抵達香港交滙站後,可以轉乘港島快綫或西鐵綫至全港各區。這個「貫通南北方案」比政府的「西九龍總站方案」優勝之處如下:
建設成本只需250億元,比西九龍方案節省逾300億元
減低能源損耗和列車調度距離,營運成本大幅下降;
由於建設成本和營運成本大輻下降,市民可享受較低車資;
由於高鐵線隧道距離縮短16公里,毋須興建緊急維修站,減少徵地;
多達420萬香港居民(即62%的人口) ,使用高鐵時能縮短旅程時間;相對於西九總站方案,有45萬人因此增加旅程時間4分鐘;
可提供機場式服務: 旅客可在香港站和九龍站辦理市區登車手續,然後再在香港交匯站上車往返內地;
香港交滙站有足夠空間設計成綜合車站,在三條線之間接駁方便,旅客轉車的步行時間不超過兩分鐘;
新界居民、港島區居民,和機場乘客可更快捷利用高鐵往返內地,高鐵的乘客來源因而增多。
毋須遷拆菜園村,可充分利用錦上路站旁邊的官地,徵地興建維修車厰亦可避開主要村落和民居;
政府可隨時拍賣西九龍14公頃的土地,毋須拖延5年

有關詳情 請看 http://www.procommons.org.hk/?p=2643&lang=zh



For an English version of the Report, please click on the following link:
http://www.procommons.org.hk/?p=2643


請參看附圖






18 則留言:

  1. 我贊成河上鄉做交匯站這個方法 方便了元朗天水圍到機場或者廣州 如果能夠在落馬州設轉車站,便補充了北環線的缺口。

    回覆刪除
  2. sorry 不是河上鄉 而是 錦上路

    回覆刪除
  3. 廣德話「貫通南北方案」造價只需二百五十億元,包括以四十億元收地,七十億元興建港島快線,及一百四十億元興建 高鐵 路段,遠較政府方案所需的約六百億元低,並可望在二○一五年竣工。而且毋須因興建 高鐵 而收回石崗菜園村的土地,只要徵收錦田及八鄉部分主要為豬場及停車場的土地擴建車廠。(星島)   七十億元興建港島快線 唔知佢點計出嚟: 1.請參考三號幹線郊野公園段,唔計隧道,其他係地面公路,如果按專業聯盟建議出隧道後行高架高速重鐵,造價一定高過72.5億, 更加唔好忘計,呢個係1990年代造價!

    回覆刪除
  4. 2. 由青衣駁線過荃灣汀九,以前淨係條 汀九橋 17.4億 (90年代),仲未計由北岸公路入青衣山開隧道嘅錢,青衣站改嘢呢d細數就唔計佢喇... 人事編制小組委員會-- 文件-- 98年9月16日 汀九橋 合約(合約HY/93/38)是工程計劃的主要合約,在1994年8月23日批予汀九聯營建築公司,合約總值 17億 4000萬元,竣工日期訂為1997年6 月23日。 b. 大家有冇諗過 香港 高鐵 起唔成 ,邊d人最高興。除咗依家反對嘅人, 最得益嘅係深圳 。因為深圳將會係全國南下 高鐵 嘅總站。所有打算去香港嘅人,都係係度轉車,當中只要有少部分停低吃飯、消遣、住宿,深圳都好發。但如果香港有 高鐵 ,相信南下內地人唔會無端端係作中途站嘅深圳停留. 所以唔好淨叫口號話咩政治/面子工程啦, 一來根本香港唔起對大陸一d負面影響都冇, 人哋就來起完啦, 二來阿曾亂咁駛錢,阿爺會仲俾面子佢咩?

    回覆刪除
  5. 此外, 同系(呢度係指長實)的元朗錦田近 錦田 河的低密度發展,向城規會申請擬建70幢3層高別墅 , ... 轉趨積極,但其實除勾地外, 發展商 可透過其他途徑取得土儲,如補地價及轉換 農地 用途 .. 另外,大家去中原地圖睇下, 六本木、四季名園,全在錦田站直線方圓800米以內。 如果話起係西九係益豪宅,咁錦田呢?發展商新界大量土地,部分更加係假設冇 高鐵 情況下補咗地價,錦田起站,益咗邊個?相反起喺西九,因西九已規劃主要作商業、酒店、文化用途,發展商要花大量金錢競投,價格搶高,亦未必投中,並不太化算,新界地則已買咗,可以喺補地價上同政府商量,而且即使補地價貴些少,但點都好過依家渣係手冇乜發展空間可言.

    回覆刪除
  6. c. 大家有冇諗過, 錦田設站最益邊個? 新地逾百億發展 錦田 下高埔村申建550伙主打洋房大單位 【明報專訊】 「元朗 大地主 」新地 (0016)繼續擴大於元朗的版圖,繼斥資百億發展YOHO Town後, 發展焦點移至 錦田 。新地剛補價逾25億元、每呎樓面補價逾2800元的下高埔村 ...

    回覆刪除
  7. d. 專業聯盟個報告,有個建議非常好笑:就係錦上 高鐵 站其中一個option竟然可以架空與西鐵站平排(佢地中文版報告冇顯示, 只有英文版)。如果架空,地底嘅 高鐵 要爬升,而錦上路北為大量漁塘,甚至有漁業研究站,係唔係要鏟走佢地? e. 高鐵 運兵好多人都知,大陸軍演做埋出嚟俾人影,今晚吳志森節目中 位聽眾仲以為發現新大陸咁。 即使 高鐵 運兵嚟香港,有咩問題,依家冇解放軍咩? 運得兵來,一定發生重大保安問題,到時冇 高鐵 ,d人反而話做咩國家冇能力保護香港人.

    回覆刪除
  8. g. 每公里七億?? 大公網 由公共 專業聯盟 成立的「新 高鐵 專家組」,昨日提出新 高鐵 工程方案,建議政府以隧道形式,建設 高鐵 ... 港鐵發言人認為,專家組低估 港島快線 的工程造價。發言人指出,由錦上興建延伸線至青衣,長度達 十公里 ,以現今物價而言,「工程造價不只七十億元」, .

    回覆刪除
  9. e. 高鐵 運兵好多人都知,大陸軍演做埋出嚟俾人影,今晚吳志森節目中 位聽眾仲以為發現新大陸咁。 即使 高鐵 運兵嚟香港,有咩問題,依家冇解放軍咩? 運得兵來,一定發生重大保安問題,到時冇 高鐵 ,d人反而話做咩國家冇能力保護香港人. f. 又係吳志森今晚同一節目,有條友打去話外國火車站一早唔用扇形站台, 我唔係火車迷,唔識呢d,但好奇怪,如果扇形站台唔興,咁點解專業聯盟又話佢地錦上路個設計係預咗。咁犯駁,主持居然冇發現?? 【明報專訊】對於公共 專業聯盟 找學者提出新的 高鐵 方案,運房局和港鐵迅速 ... 有份設計方案的地理學者梁啟智說,方案已包括政府提及的 扇形 設計

    回覆刪除
  10. 18 篇文章 - 10 位作者 - 上一則文章: 7月26日 港島南線 會係中型鐵路,係唔係等於馬鐵的規模? 定係會再細D, ... 造價增至逾 100億 南港島線與現時港鐵車費結構一樣,全程 7公里 車費預計5至6元。 ... 14.29億/km 地鐵西 港島 線預期2013年通車- 樓市動向- 親子王國 4 篇文章 - 1 位作者 全長3 公里 的 西 港島 線 ,連接上環站、西營盤、大學至堅尼地城。 ... 訊】連接上環至堅尼地城的地鐵西 港島 線,以及 港島南 區鐵路,造價較預期上升至少30億元,較原來預計多兩成。政府向立法會提交的資料顯示,西 港島 線成本由原先估計的60億至70億元,上升至80億元. 26.67億/km

    回覆刪除
  11. 高鐵 香港段26km,以800億計係30.77億/km,係貴,但都貼近西港島線,但前者係快速重鐵。如純以價錢反 高鐵 者,請以同樣態度、時間、金錢(例如制作宣傳品) 反西港島線,尤其係港島區嘅議員們,尤其係黎廣德公民黨嘅議員你哋敢嗎?

    回覆刪除
  12. 2009年4月11日 ... 無緣,但這情即將有改變,因港鐵(0066)的全新「 沙中線 」已經拍版興建;連接沙田至中環兩地的「 沙中線 」全長17 公里 ,估計全線造價高達374 億 元。 ...   22億/km 42 億 建 觀塘延線 油麻地至黃埔- 新聞世界- 香港新幻網- 打造和諧新社區 1 篇文章 - 1 位作者 - 上一則文章: 2008年3月12日 【明報專訊】政府同時公布,由港鐵興建42 億 元的 觀塘 線 延線 ,由油麻地站延伸 ... 觀塘 線 延線 全長約3 公里 ,預期於2011年動工、2015年通車,未來黃埔居民 ...   14億/km

    回覆刪除
  13. 九龍南線 3.8km 用80億 即差唔為 20億/1km 高鐵 26km用630億 20x26 = 520億 2年前價錢 都叫扼錢工程

    回覆刪除
  14. 最近好似好多人反對高鐵 ,詳細黎講既話就係班垃圾會垃圾、政棍、所謂既專業人士、為反而反既鐵路膠、被政棍洗腦既市民等等,反對原因都不離以下呢幾點:
    1. 造價太貴啦
    如果成本貴就唔洗做,呢個世界既好多野都唔洗起。就以香港有既例子──玫瑰園計劃同前地鐵系統黎講,兩個一開始倡議到規劃直至落實興建既時候都比人鬥係大
    白象,但係環看今日呢兩個例子發展成點?前者雖然仲未賺過錢,但係香港國際機場已經擠身 Top Five 世界級機場之一,帶黎既economic
    efficiency有幾多呢?如果依家仲用緊啟德機場,我諗香港既空運、物流業已經早死左好多年。至於後者,依家已經發展成為世界級屈指可數有錢賺既鐵
    路公司,雖然話一路以黎地鐵甚至係依家既港鐵都係靠地產作為
    mainprofit,但係港鐵既物業管理都係享有名聲架喎。成日見到人鬧港鐵點點點,不如諗下港鐵作為一間罕見會賺錢既鐵路公司,居然係係香港,而且服
    務已經係一流,知足常樂啦。都係劉德華呢一句說話惹事:「咁既服務態度係唔夠架,咁先至岩!睇下!」

    回覆刪除
  15. 7. 西九龍站轉乘港鐵好麻煩
    最近有學者話做測試,由九龍站月台行到西九龍站地盤要 12 分鐘。其實佢地有無睇過西九龍站個設計?九龍站、西九龍站同柯士甸站之間都有地底隧道連接,而且按香港站既設計作先例黎講,港鐵係一定會起自動行人輸送帶。有冷氣有輸送帶都叫麻煩,真係咪話你唔奄尖。
    8. 起係新界都得,點解要起係西九龍
    如果你明白高鐵係以一條城際功能為主既高速鐵路(香港段按大陸標準黎講係快速鐵路),咁你都應該知道城際路線係連接城與城之間既中心。香港並無明確指定邊
    度係市中心,但係經濟學上角度黎講,香港既中心商業圈 (CBD, Central Business District)
    就係中環、灣仔一帶乃至尖沙咀 (不過尖沙咀無甲級寫字樓,CBD地位仍然受爭議),因此同時可視 CBD 地區一帶為香港既市中心。既然
    CBD呢一帶係市中心,高鐵車站起係市中心附近係理所當然。錦上路呢?錦上路係一個名副其實既郊區,無錯,係郊區。最好笑既係某一班垃圾會議員一邊鬧高鐵
    新廣洲站起係遠離廣洲現時市中心既番禺(但事實上廣洲市政府係有意發展番禺成為廣洲既新市中心,註1),一邊叫政府將香港既高鐵站起係遠離市中心既地方,
    會唔會太自相矛盾呢?
    9. 高鐵只去到廣洲,起黎把鬼
    講得出呢句野既人已經顯示佢係講野完全唔經大腦。當你對一件事物並唔係完全清楚既時候,隨意作出評論係一件愚蠢既事。廣深港高速鐵路係新廣洲站接駁武廣客
    運專線同貴廣客運專線。同時係深圳北站都會接駁東南沿海客運專線,完全地同全國既高鐵網絡接通。西九龍站每日都會開出同各大城市(例如北京、上海、成都
    等) 對開既列車。

    回覆刪除
  16. 4. 起係西九龍分明官商勾結
    起係西九龍官商勾結,咁各大好鐘意做
    Show既政黨所提出既錦上路方案都唔好得去邊,西九龍週邊範圍,除左得左右兩邊係港鐵地頭之外,絕大部份都係政府官地。但係錦上路呢?不知有幾多地產商
    係錦田一帶有地,而且新界土皇帝發叔統領著既一班子民都廣佈錦田,老實講總站起係錦上路起比西九龍,官商勾結既嫌疑都大好多喎。到底錦上路方案係咪一場
    Show,就見仁見智啦。
    5. 錦上路方案平,而且可以方便新界人添
    錦上路目前並沒任何公路直接連接,而且收地都收死你。除此之外,論鐵路轉乘配套,西九龍比錦上路好好多:(在此假設北港島線已興建)東九龍,去鑽石山轉東
    西線;將軍澳,去北角轉東涌線;土瓜灣、何文田、紅磡一帶,車都唔洗轉;油尖旺,尖東轉東西線;荃灣、葵涌,荔景轉東涌線‥‥‥錦上路呢?除左東西線沿線
    地點之外,好多地區都要轉多程車,市區去錦上路相比起去西九龍都多左好多。而且不見得有幾方便新界人,新界東人無論北區、大埔區定沙田區都要兜個大圈先去
    到錦上路。換言之,方便既咪只得大西北人?咁不如起係西九龍仲好,受惠市民更多。而且錦上路方案相對西九龍站黎講,係做唔到無縫連接機場快線呢點。西九龍
    站拖住行李去九龍站就可以預辦登機啦!
    6. 菜園村要遷拆好擾民
    話說大部份菜園村既地都係官地,至於點解唔洗交租都用得,係因為港英政府時代,港督落過行使過酌情權,話呢班非法使用官地既人可以繼續使用官地,但政府需
    要使用時需要無條件交還。堅決不遷不拆?如果港府搬返有關呢個酌情權相關既紀錄出黎,咪盞部份人自已囉黎樣衰?唔屬於自已既野,依家可以獲得賠償,唔該知
    足常樂啦。至於私人地,我諗政府已經賠足,依家嘈既只係個政棍組成既菜園村關注組,用埋一大堆無 Point 既理由黎反對,真係笑大人個口。

    回覆刪除
  17. 2. 起黎晒鬼氣,都無人搭
    唔該唔好因為個人既人際關係圈子入面無人搭,又或者好少人搭而得出一個荒誕既結論:無人搭。高鐵本身面向既主要客群係一班商務客同旅客,就算係日本東海道
    新幹線平時都係一堆上班族搭架啦。再詳細地講,香港係精專於商貿活動方面既,例如 accountant、sales同埋
    marketing,同時擁有完善既法治同稅務制度。而內地就專精於工廠生產,擁有 low
    productioncost。用全球化既角度黎睇,可以算係 division of
    productionprocess,將零售上既野交由香港做,生產既野由大陸做。咁樣的話,想係大陸設廠既商家就可以選擇係香港設立分部,一來可以享受
    香港本身有既商貿上既優勢,二來如果要派員工出差,如果工廠設係離高鐵鐵路覆蓋城市既地方,就可以乘搭高鐵快速來往工廠同香港既總部。如果無高鐵既話,我
    諗佢地寧願將佢地既分部搬埋上大陸算,至少交通比香港方便,要贏人就要有比人多既優勢啊。
    3. 都回唔到本
    世界上有咩鐵路係可以回到本既呢?屈指可數。鐵路呢類基建起黎本身就唔係為左賺錢,而係帶動經濟發展。睇下上海呢幾年都係靠不斷起基建黎拉高GDP。高鐵
    造價 700 億左右,政府估計帶黎既經濟效益至少有 800 億,呢條數已經襟計啦,只要每年維持到
    GDP一定既增長,高鐵就已經算非直接地回本。而且高鐵可以長期貢獻到經濟效益,拎晒高鐵既錢去派糖比班基層,可以對香港既經濟有咩持續貢獻呢?投資者都
    知,如果想穩穩陣陣,寧願投資有長遠利潤既公司,總好過短炒只有曇花一現既利潤,結果最後蝕手離場吧?目前投資落班基層市民根本無用,至少我寧願政府完成
    保障基層市民既政策之後先好講啦。有關於保障基層市民既政策,容後再談。

    回覆刪除
  18. 總結
    簡單點黎講,太多香港人比班所謂既專業、保育人士同政棍做出黎既 Show 所欺騙。其實只要細心一看再加以研究,就好容易發現到推翻佢地既所謂反對理由既証據。
    不過香港段乃至全條鐵路既命名都有問題,如果香港段命名為《廣深港客運專線香港段》,至少唔會比人 Jer 住 200km/h 唔可以計入高速鐵路呢點黎打。
    Appendix I: 公共專業聯盟
    當中反對高鐵既有一個叫做公共專業聯盟既組織,呢個組織真係好惹人質疑佢地既專業性。佢地所提既高鐵方案估計造價非常離奇地低,方案中既港島快線係可行性
    同班次上亦都好有問題。而且自稱專業,但係一幅簡簡單單既圖則都無,好難唔令人懷疑呢個係咪又一個齋 Up 唔識做既組織啦。
    註1:《 番禺广州新城区位分析图 》番禺生活網。官方設立的網站亦有相關的消息,但由於共產黨味極重,因此不在此列。

    回覆刪除